«Միացյալ Նահանգները շարունակում է աջակցել Ադրբեջանի և Հայաստանի միջև հարատև խաղաղության հաստատմանը», - Ադրբեջանի անկախության օրվա առթիվ Իլհամ Ալիևին հղած ուղերձում նշել է ԱՄՆ նախագահ Դոնալդ Թրամփը։
«Հակամարտության խաղաղ կարգավորումը կնպաստի Հարավային Կովկասի հետագա բարգավաճմանը, ինչպես նաև նոր հնարավորություններ կստեղծի Միացյալ Նահանգների հետ համագործակցության համար։ Այժմ խաղաղության հասնելու և Հարավային Կովակսի ժողովուրդների բարօրությունն ապահովելու ճիշտ ժամանակն է», - նշված է Դոնալդ Թրամփի ուղերձում, որի տեքստը հրապարակվել է Ադրբեջանի նախագահի պաշտոնական կայքում։
