Ուկրաինան գիշերը ենթարկվել է 109 ռուսական անօդաչու թռչող սարքերի և հինգ հրթիռի հարձակման, հայտնում են զինված ուժերի օդային ուժերը։
Զապորոժիեի շրջանում գիշերային հարձակման արդյունքում զոհվել է 9-ամյա աղջիկ, վնասվել է դեռահաս։ Շրջանի ղեկավարի խոսքով՝ ավիառումբերը ընկել են Պոլոգովսկի շրջանի գյուղի բնակելի հատվածի վրա․ մեկ տուն ամբողջությամբ փլուզվել է, մի քանի տուն, ավտոմեքենաներ և տնային կառույցներ վնասվել են պայթյունի ալիքից։
Գիշերը հարվածի է ենթարկվել նաև Խերսոնի Դնեպրովյան շրջանը, ինչի հետևանքով զոհվել է 66-ամյա տղամարդ, հաղորդել է շրջանի ղեկավար Ալեքսանդր Պրոկուդինը։
Դնեպրոպետրովսկի շրջանում հրետակոծությունների հետևանքով տուժել է երկու մարդ։